اما بعد ، شوف يا زميلى العمل على الإنترنت عايز ثلاث صفات لازم توافرهم فيك والفلوس بعدين تحصيل حاصل ، الأولى الطموح ، الثانية الصبر ، الثالثة التميُز ، لو عندك الثلاثة يبقى كمل قراءة على بركة الله
اول حاجة البحث عن مشروع مربح بدون رأس مال إطلاقاً ، والكلام دة على النت بيبعتنا على يوتيوب أو بلوجر لأن قناة يوتيوب أو مدونة بلوجر مجاناً ،ببلاش، وممكن تربط الأتنين ببعض ودة أحسن طبعاً ومربح أكتر ، هأكلمك فى الأساسيات وبعدين نتكلم على الحاجات التقنية . (عاشق الوطن )
طبعاً الربح أغلب الوقت بيكون عن طريق جوجل أدسنس ، ودة عن طريق أن جوجل بتحط اعلانات مدفوعة الأجر على مدونتك أو قناتك وبتحاسبك عن طريق التكة ، يعنى كل واحد بيضغط على الإعلان حتى لو مشتراش انت بتكسب ، والتكة بتبدأ من 11سنت وكل ميزيد عدد التكات بيزيد ربحك .
كدة يبقى انت محتاج التميز ودى الصفة الثالثة .
التميز بيتم عن طريقين الأول أن انت تكون واد لهلوبة وتنزل مش أقل من خمس مواضيع يومياً لحد متكون جمهور ، ودة بيكون فى المدونات او القنوات الإخبارية ، التانى بقى انك تشتغل على المحتوى ، يعنى ان المحتوى بتاعك يكون عليه بحث يومي .
نشرح النقطة دى أكثر ، فى 2019 جوجل خلت محرك البحث بتاعها يكون معتمد على الذكاء الإصطناعي أكتر ، قوم الذكاء الإصطناعي دة ، خرب الدنيا ، وحسب عدد الزيارات والفترة اللى بيقضيها الشخص او الزائر فى الموقع ودة نزل من ترتيب مواقع كتير كانت بتتصدر مواقع البحث زي اليوم السابع وغيره ، ليه بقى !
لأنه قسم الموضوع لشيب وميكرو شيب ، يعني شريحة وشريحة مصغرة ، نبسطها اكتر ، يعني انا لو هاتكلم فى موضوع عن الصحة ، الصحة دى نفسها شريحة وشريحة كبيرة ، لكن لو هتكلم عن النباتات الصحية، او الأعشاب الصحية، دي ميكرو شيب شريحة مُصغرة ، وجوجل محرك بحث يخصه ان اللى بيبحث يلاقى هو بيدور على ايه ، من هنا بقي أى حد ينزل محتوى مميز حتى لو مبتدئ ممكن ينافس مواقع ليها سنين بتقدم محتوى مش منظم تحت فئة محددة .
فأنت لو هتعمل محتوى لازم يكون محتوى وافي ، يعني اللى يدخل يقرا موضوعك يكمله للنهاية ويستفاد عشان يرجعلك تانى مش مرة ويحرم يدخل مدونتك او قناتك .
تانى حاجة الصبر ، انت ممكن تقعد شهور متتصدرش محرك البحث ، وعشان كدة لازم يكون عندك صبر ، وشوية نصايح ليك عشان متملش وتبطل تكتب وتضيع تعبك
اول حاجة اكتب عن الحاجة اللى انت بتحبها ، عشان حبك ليها هيبقى دافع ليك فى البداية ، مثلاً لو انت بتحب الشعر ، دون عن الشعر ، او اعمل قناة عن الشعر ، فى مواقع بتدى مقاطع موسيقية بدون حقوق استخدام ، مقطع صوت وخدلك دورة فوتوشوب واكتب كلمات بيت الشعر مع الموسيقى ، وتبقى خدمت الشعب ونافست مطربين المهرجانات بفن مميز . دة مثل وقيس على ذلك
تانى حاجة العمل الجماعي ، متعملش حاجة لوحدك خلى حد تانى معاك عشان تشجعوا بعض ، عقلين بيفكروا احسن من واحد ، واللمة بتشجع وبتفجر طاقات . (عاشق الوطن )
ثالثاً التفاصيل ، الدراسات بتقول ان النساء افضل من الرجال فى هذا المجال وفرصة نجاحهم اكتر من 57% لانهم بيهتموا بالتفاصيل ، يعنى لو هتكتب عن الطبخ مثلاً لازم تخلى بالك من ادق ادق التفاصيل ودة اللى بيخلى المرأة تكتسح فى مجال المطبخ والمرأة والطفل والأزياء والموضة والفن ، كلمة السر التفاصيل
رابعاً واخيراً ، حط فى عقلك دايماً أن نقط الماء المنتظمة قادرة على تفتيت اقسى الصخور ، اكتب او اعمل فديوهات من اجل العمل والمنفعة العامة اولاً وبعدين المكسب والفلوس تحصيل حاصل
ثالث حاجة والاخيرة الطموح ، الطموح هو الهدف لانك توصل مهما كانت العقبات امامك ، بيتهوفن كان اطرش طه حسين كان اعمى مهما كان نوع الظرف اللى انت فيه مش مانع ليك من النجاح ابداً .(عاشق الوطن )
وطالما دخلت عالم الإنترنت في شوية خبايا هنقولهم مع بعض عشان تروج لمدونتك او قناتك
اول حاجة مواقع التواصل الإجتماعي فيس بوك وتويتر بالأخص بتكتب المقال الجامد او الفيديو اللذيذ وبتعمل اشارة (منشن) لاصدقائك تعالوا شوفوا انا كاتب او منزل ايه ودة بيرفعك فى محرك البحث لما يلاقى دخول على مدونتك او قناتك من مواقع التواصل معنى كدة ان في ناس بتتكلم عنك حسب ذكائه الإصطناعي . (عاشق الوطن )
التانى لو انت تعرف مدونين او اصحاب قنوات تانية بتعملوا تبادل اعلانى لبعض انت تحط رابط ليه عندك وهو يحط رابط ليك عنده وترفعوا من بعض
تالت حاجة انك تشترى مشاهدات او ليكات ، متتخضش ، فى موقع تبادل اسمه https://everve.net دى موقع تبادل يعنى ايه الموقع دة بيبيع اعجابات ومشاهدات واعادة تغريد ومشاركات على مواقع التواصل الإجتماعى ويوتيوب والويب فالناس اللى معاها فلوس بتشترى منه مشاهدات مثلاً الممثل الفلاني ينزل فيديو اغنية ليه وهو اساساً مش مغني تلاقيها عملت 300 الف مشاهدة فى ساعة ، ليه هى الناس قاعدة مستنية الباشا ينزل بالفيديو الجديد ؟!
هو بيشترى أول مجموعة وبعدين الصحف تقول انه عمل مشاهدات كتير والناس تروح تشوف كمية المشاهدات دي ليه وتطلع من الفيديو تسب اليوم اللى خلاه يغني ، وناس تطلع تشكر فى الفيديو وكدة .
الموقع دة بقى بيحسبلك التكة ب 0.011 ايوة حداشر من الف من دولار ، خليك معايا للأخر انت لو بطل هتعمل ب 2 دولار فى اليوم ، كلام فاضى ، اصبر ، لما تحوش 10 دولار على الموقع ممكن تنزل الفيديو بتاعك انت الناس تدخل تديلك مشاهدات ودة بيرفعك والموقع مجاني عشان كدة هو موقع تبادل ،
(عاشق الوطن )
ولو عايز تسحب فلوس من عليه ممكن لو معاك باي بال وتشترى مشاهدات من موقع تاني بس دة مجاني ، وبعملية حسابية بسيطة ، لو دخل عندك (بلوجر) 100واحد بدولار من على الموقع لو داس منهم عشرة على الإعلان يبقى انت خدت دولار على بلوجر ،طاب ضرب فى 1000, طيب لو انتوا خمسة مع بعض فى المدونة او القناة ، ودة لغاية متظهر فى موقع البحث وبعدين عملك هيرفعك وكل متبقى متميز وصبور وطموح هتكسب اكتر
انشر الموضوع لصحابك واعمل ورشة عمل وابدأ
العمل عليك والنجاح على الله
ولو عايز تعرف كيف تعمل مدونة بلوجر او قناة يوتيوب او تاخد دورة فوتوشوب روح نفع واحد من اللى عاملين القنوات والمدونات عشان تعرف انه شغل مش هزار
0 تعليقات